انا بطبعي غريب و ما جن الي ليل
يسامر وحدتي بهوسات صحباني
صادكت الگمر عزني ويه نجم سهيل
چن حاير دليلي بشوگه خَلاني
شاوصفلك حزن ، چفك اذا خليت
اترسلك دمع من صرخة اجفاني
دولاب الگلب چنه بجدولك ناعور
لو جف الدمع يسگيك شرياني
لو جف الدمع ما ظل الي عنوان
چيه انت الوطن و دموعي عنواني
لو دار الزمن ما هاجريتك يوم
حسبات العگل يحسبها وجداني
اوكف من بعد چني بجرفكم ماي
ما طول الهوى الوداك وداني
عطشان الگلب يشتم عطركم حيل
مشتاگه الجفون تشوف خِلاني
خجلان بتردد اكتب انه انساك
چذاب الشعر لو طبّع لساني
لو صمم عليك الگلب ينساك
خصلات الذهب هيهات تنساني
